04 апр 18:18
Янгиликлар

Камондан отиш

Ўзбекистон камондан отиш федерацияси Туркия билан ҳамкорликни давом эттирмоқда

Бугун, 4 апрель куни Ўзбекистон камондан отиш федерацияси президенти Отабек Имамов “Туркия ўқчилар вақфи” ҳамда Туркия этноспорт конфедерацияси раҳбарлари билан учрашув ўтказди.

Учрашув давомида жорий йилнинг сентябрь ойида Ўзбекистонда ташкил этилаётган этноспорт фестивалига тайёргарлик кўриш ва уни юқори савияда ўтказиш масалалари муҳокама қилинди.

Бундан ташқари Ўзбекистон Республикасидан 6 нафар спортчи Туркия давлатида миллий камончиликдан малака ошириш ҳамда ўқув-йиғин машғулотларига қатнашиш мақсадида иштирок этишмоқда.

Учрашув давомида “Туркия ўқчилар вақфи” вице-президентига Отабек Имомов томонидан эсдалик совғаси тақдим этилди.