Ўзбекистон крикет федерацияси Ҳиндистон крикет бошқарув кенгаши билан ҳамкорликни йўлга қўймоқда

Хусусан, айни пайтда Ўзбекистон крикет федерацияси раиси Азиз Михлиев хизмат сафари билан Ҳиндистон давлатида бўлиб турибди. Ҳиндистон крикет бошқарув кенгаши (BCCI) томонидан муносиб кутиб олинган Михлиев Ҳиндистоннинг Лакнав шаҳрида расмий учрашувда иштирок этиб, BCCI вакиллари билан истиқболли режаларни муҳокама қилишди. 

Учрашув шунингдек, Ҳиндистон крикет бошқарув кенгаши Ўзбекистонда крикетни ривожлантириш йўлида ҳамкорликка тайёр эканлигини билидириб ўтли. Шундан сўнг делегатлар Канпур шаҳрида жойлашган энг қадимий ва "яшил стадион" номи билан танилган, энг биринчи test match ўйинлар ўтказилган крикет стадионини бориб кўришди. 

Ушбу стадионда  матбуот анжумани ҳам ташкил этилди. Анжуманда Азиз Михлиев ҳиндистонлик журналистларнинг мамлакатимизда крикет бўйича амалга оширилаётган ишларга оид саволларига батафсил жавоб берди. 

Ташриф доирасида Азиз Михлиев ўзининг яқин дўсти бўлган доктор Чандан Агарвалга тегишли "Гоинка" номли хусусий крикет мактабида ҳам бўлди. 

Аҳамиятли томони, доктор Чандан Агарвал ўз мактабига крикет бўйича эркаклар ва аёллардан иборат терма жамаоларимизни текинга ўн кунлик ўқув-машғулотлар ўтказишга ва "Яшил стадион" да мусобақалари ташкил этиш таклифини билдирди.

Илҳом РАҲМОНОВ тайёрлади