25 янв 14:20
Янгиликлар
Қишки спорт турлари, Харбин-2025
Ўзбекистон маҳаллийлаштирган, бироқ Россия карантинга солган рус спортчилари қишки Осиё ўйинларида қатнашиши мумкин — манба
"Матч ТВ" манбасининг хабар беришича, спорт фуқаролиги ўзгаргани сабабли карантинда бўлган россиялик конькида учувчилар ва шорт-трекчилар Харбин-2025 қишки Осиё ўйинларида иштирок этишлари мумкин.
"Конькида учиш бўйича Жаҳон чемпионати совриндори Данила Семериков, шорт-трекчилар Денис Айрапетян ва Даниил Ейбог Ўзбекистон терма жамоаси сафига қўшилиш учун карантин муддатини ўтамоқда.
Қозоғистон терма жамоаси сафида эса Елизавета Голубева шуғулланяпти, у ҳам Россия конькида учиш уюшмасидан икки йиллик карантин олган.
Ҳозирча ушбу спортчиларнинг иштироки бўйича аниқ қарор йўқ, аммо Семериков аллақачон Харбин-2025 учун аккредитациядан ўтган. Осиё ўйинлари 7-14 февраль кунлари бўлиб ўтади", дейилади Россия нашри тарқатган хабарда.
Аввалроқ, Харбин-2025 қишки Осиё ўйинларида Россиядан маҳаллийлаштирилган фигурали учувчилар Дмитрий Чигирев ва Екатирена Гейниш иштирок этиши аниқ бўлгани ҳақида хабар берган эдик.
Ҳавола :
Манба : МатчТВ
Фикрлар