Ўзбекистон - Нидерландия. Бугун аралаш жуфтлик мусобақаси

Дунёнинг ўн икки кучли терма жамоаси сафида ўзбекистонлик дзюдочилар ҳам Олимпиада медаллари учун татамига чиқадилар. Ўзбекистон терма жамоаси бир ой аввал Венгрияда ўтказилган жаҳон чемпионатининг аралаш жуфтлик беллашувларида тарихда илк бор қатнашиб, бронза медалларини қўлга киритган эди. 

Қуръа натижасига кўра дзюдочиларимиз Олимпиаданинг илк даврасида Нидерландия терма жамоасига қарши баҳс олиб боришади. Ушбу жуфтлик ғолибини чорак финалда Бразилия терма жамоаси кутиб турибди. 

Ўзбекистон - Нидерландия учрашувида эркаклар -73, -90, +90, аёллар эса -57, -70, +70 кг вазн тоифаларида татамига чиқадилар. Ҳисоб 3:3 дуранг кўринишига келиб қолса, ҳал қилувчи еттинчи беллашув ўтказилади.