23 апр 08:48
Янгиликлар

Дзюдо

Ўзбекистон Осиё чемпионатининг жамоавий баҳсларида 1/2 финалга йўл олди

Айни дақиқаларда Гонконг давлати мезбонлик қилаётган дзюдо бўйича катталар ўртасидаги Осиё чемпионатининг жамоавий беллашувлари бўлиб ўтмоқда.

Қуръа натижасига кўра, Илиас Илиадис мураббийлигидаги Ўзбекистон терма жамоаси 1/4 финалда туркманистонлик дзюдочиларга қарши баҳс олиб борди. Илк беллашувда Шукуржон Аминова рақибасига ютқазиб қўйди. Қолган тўртта баҳсда эса дзюдочиларимизнинг ғалабаси кузатилди.

Шаҳрам Аҳадов, Шоҳиста Назарова, Шарофиддин Болтабоев ва Ирисхон Қурбонбоева терма жамоамизга Туркманистон устидан 4:1 ҳисобидаги ғалабани тақдим этди. Энди терма жамоамиз Осиё чемпионатининг 1/2 финалида айни дақиқаларда давом этаётган Мўғулистон - Хитой Тайпейи жуфтлиги ғолиби билан тўқнаш келамиз.