07 янв 22:00
Янгиликлар

Футбол

Ўзбекистон Осиё Кубоги олдидан Фаластинни мағлуб этди

Ўзбекистон миллий терма жамоаси Осиё Кубоги старти олдидан мусобақанинг яна бир иштирокчиси Фаластинга қарши назорат ўйинини ўтказди.

Ҳозиргина Доҳа шаҳридаги "Ал Аҳли" клубига қарашли стадионда якунига етган учрашувда терма жамоамиз 1:0 ҳисобида ғалаба қозонди. Ягона гол ўйиннинг 79-дақиқасида Бобир Абдухолиқов томонидан киритилди. Бугунги ўйин ҳар икки терма жамоанинг ўзаро келишувига кўра ёпиқ тарзда ўтказилди.

Дарвоқе, асосий вақтга қўшиб берилган дақиқаларда терма жамоамиз ҳакам томонидан белгиланган пенальтини голга айлантира олмаган. Бизникилардан 11 метрли нуқтага ким яқинлашгани маълум эмас.