Ўзбекистон Панкратион ва грепплинг ассоциациясида янги тайинлов

Юртимизда ташкил этилганига ҳали кўп вақт бўлмаса-да, бир нечта мусобақаларни ўтказишга улгурган Ўзбекистон Панкратион ва грепплинг ассоциацияси бошқарув кенгашида кичик ўзгариш кузтилди. Камолиддин Шарафутдинов Ассоциациянинг ташкилий масалалар бўйича раис ўринбосари этиб тайинланди. 

Бундан кўзланган мақсад анча қадимий ҳисобланган ушбу спорт турини Ўзбекистонда янада ривожлантириш, ёшларимиз орасида оммалаштириш, кўпроқ мусобақалар ташкил этишдан иборат.

Маълумот учун, Ўзбекистон Панкратион ва грепплинг ассоциацияси шу йилнинг ўзидаёқ юртимизда жаҳон чемпионатини ўтказишга муваффақ бўлган эди. Бундан ташқари, Фарғона шаҳрида "Янги Ўзбекистон" мусобақаси ташкил этилди. Бугун 1 октябрь куни Устоз ва мураббийларимизнинг касб байрамлари кунига бағишлаб, Самарқанд шаҳрида панкратион бўйича Silk Road турнири ўтказилади. 6-8 октябрь кунлари эса Қўқон шаҳри грепплинг бўйича яна бир мусобақага мезбонлик қилади.