Ўзбекистон паралимпиячилари медаллар жамғариш бўйича нечанчи ўринда?

Кечаги кун ҳам ўзбекистонлик паралимпиячилар учун омадли келди. Бугунги кун олдидан Ўзбекистон спорт делегацияси 2 та олтин, 2 та кумуш, 2 та бронза медали билан умумжамоа ҳисобида 8-ўринни эгаллаб турибди. Франция ҳисобида ҳам 2 та олтин медаль бор, аммо мезбонлар биздан кўра 3 та кумуш медаль кўпроқ жамғаришган. 

Хитой Республикаси 12 та олтин, 9 та кумуш, 4 та бронза медали билан рўйхатда пешқадамлик қиляпти. Олтита олтин, 6 та кумуш, 3 та бронза медалига эга Буюк Британия иккинчи ўринни эгаллаган бўлса, Бразилия делегацияси 5 та олтин, 1 та кумуш, 7 та бронза медали билан кучли учликка якун ясаган.      

Биздан аввалги ўринлардан Нидерландия, Италия, Австралия ва Франция жой олган. Жами 29 давлат делегациялари ҳисобида камида 1 тадан олтин медаль бор. Камида 1 та бронза медалини қўлга киритган давлатлар сони 48 тага етди.