Ўзбекистон Полвонлар миллий маркази раисини табриклаймиз!

Учкураш спорт тури асосчиси, Ўзбекистон карабтеп халқ ўйинини спорт турига айлантиришнинг бош ташаббускори ва асосчиси, ўзбек курашини Ўзбекистонда алоҳида федерация сифатида ташкил қилиб ривожлантириш ғояси муаллифи, кураш, самбо ва дзюдо турларидан спорт устаси Юсупов Норқули Турсуновичнинг таваллуд куни.

Норқули Юсупов 1954 йил 23 май куни Бухоро вилояти Қоракўл туманида полвонлар отласида дунёга келди. Мактабни аъло баҳоларга тугатиб 1973 йил А.Навоий номидаги Самарқанд давлат университетининг Амалий математика факультетига ўқишга киради ва 1978 йил СамДУни тугатиб йўлланма билан 1979 йил Ўзбекиситон Фанлар Академияси Кибернетика институтига илмий ходим бўлиб ишга киради. 1984 йилда ушбу илм даргоҳи аспирантурасига ўқишга киради ва 1987 йилга келиб Номзодлик десертациясини ҳимоя қилади.

Давлат ташкилотларида раҳбарлик лавозимларида ишлаган. Ўз даврида Самбо ва Дзюдо спорт турлари бўйича бир неча марта республика ва Халқаро турнирлар ғолиби бўлган. Ҳозирги кунда Бел олиш ва Учкураш ассоциацияси ва Полвонлар миллий маркази раиси лавозимларида ишлаб келмоқда.

Дарвоқе, Норқули Турсуновичнинг саъй-ҳаракатлари билан Ўзбекистон 2011 йилда ТАФИСА бутунжаҳон ўйинлари ассоциациясига аъзоликка қабул қилинган ва 2012 йилда Литва давлатининг Шауляй шаҳрида бўлиб ўтган ТАФИСА бутунжаҳон ўйинлари фестивалида Ўзбекистон ҳам учта йўналишда иштирок этган.

Биз Норқули Юсуповни бугунги таваллуд айёми билан самимий муборакбод этамиз. У кишига узоқ умр, сиҳат саломатлик тилаймиз.