Ўзбекистон профессионал бокс федерациясининг навбатдан ташқари Конференцияси бўлиб ўтди

ЎПБФ аъзолари мамлакатимизда профессионал боксни ривожлантириш билан боғлиқ бир қатор муҳим масалаларни муҳокама қилиб, тегишли қарорлар қабул қилдилар.

Жумладан, федерация аъзолари томонидан ЎПБФ Ижроия қўмитасининг янги таркиби, яъни: федерация раиси У.Т.Ёқубов, раиснинг биринчи ўринбосари Г.А.Раҳимов, раис ўринбосари З.Н.Ходжиниёзовлар сайланди. Бундан ташқари, Ижроия қўмитасининг янги таркибига бокс бўйича тўртта Олимпия чемпионлари Муҳаммадқодир Абдуллаев, Баҳодир Жалолов, Ҳасанбой Дўстматов ва Фазлиддин Ғаибназаровлар киритилди.

Шунингдек, федерация фаолиятини янада такомиллаштириш ҳамда ташкилот олдига қўйилган мақсад ва вазифаларни амалга ошириш мақсадида федерация аъзолари томонидан ЎПБФ таркибида янги тузилма –Васийлик Кенгашини ташкил этиш тўғрисидаги қарор қабул қилинди. Кенгаш раислигига бир овоздан Қ.М. Рафиков сайланди.

Федерация аъзолари ЎПБФ низомини янги таҳрирда тасдиқладилар ва Ўзбекистонда профессионал боксни ривожлантириш бўйича келгусидаги тадбирларга оид масалаларни муҳокама қилдилар.

Ўзбекистон профессионал бокс федерацияси Матбуот хизмати