UZ

Сўнгги янгиликлар

08:02"Махачев Топурияни нокаут қилган бўларди" - Арман Царукян 0 19:15Расман: Саудия Арабистони чемпионати афсонаси "Ал Ҳилол"да ўйнайди 0 18:52Турки аш Шайх Тайсон Фьюри 2026 йилда профессионал рингга қайтишни айтди 0 18:25Диёра Келдиёрова IJF Атлетлар комиссияси аъзолигига сайланди! 0 18:02Арман Царукян Илия Топурияга мурожаат қилди 0 17:39Роналду Диогу Жотанинг фожиали вафотига муносабат билдирди 0 17:17Мавлонбек Миркомиловнинг кейинги рақиби ҳамда жанг санаси эълон қилинди 0 16:55"Осон пуллар". Царукян — Гэтжи ва Пимблетт билан жанглар ҳақида гапирди 0 16:32Ўзбекистон спорти раҳбарлари Қозоғистон МОҚ раҳбари Геннадий Головкин ва бошқалар билан учрашди (ФОТО) 0 16:16"Диогу ва Андренинг шахсий дахлсизлиги ҳурмат қилинишини истайди" — "Ливерпуль" футбол клуби 0 15:55Тайсон Фьюри 2026 йилда Усик билан учинчи жанг бўлишини айтди 0 15:34Шаҳрам Ғиёсов WBA вақтинчалик камари учун жанг қилади, рақиб маълум — манба 0 15:13Уимблдон. Элина Свитолина учинчи даврада 0 14:52"Фенербахче" Асенсио учун ПСЖга 15 млн евро таклиф қилди 0 14:31Феруза Казакова Жаҳон кубоги ярим финалига йўл олди 0

06 авг 23:12
Янгиликлар

Оғир атлетика

“Ўзбекистон Республикаси Мустақиллиги кубоги” онлайн халқаро турнири дунё полвонларини чорлайди

Теглар :  Оғир атлетика
Ўтган ой давомида оғир атлетика бўйича илк бор халқаро онлайн мусобақа ташкил қилиниб, мазкур турнир кўплаб мутахассислар, кенг спорт жамоатчилигида катта қизиқиш уйғотган эди.

Вакилларимизнинг муваффақиятли иштирокидан руҳланган Ўзбекистон оғир атлетика федерация ҳам жонбозлик кўрсатиб, ана шундай йирик турнир ўтказиш ташаббусини илгари сурди ва ушбу спорт тури бўйича “Ўзбекистон Республикаси Мустақиллиги кубоги” онлайн халқаро турнирини ташкил қилмоқда.

Бугун Халқаро оғир атлетика федерацияси (IWF) ҳамда Ўзбекистон оғир атлетика федерациясининг расмий вакиллари мана шу масалага бағишлганган видеоконференция ташкил қилишди. Унда IWF номидан ташкилот вице-президенти, техник қўмита раиси Нико Влад, IWF вице-президенти, ривожланиш ва таълим комиссияси бошлиғи Хосе Карлос Куэнёс ва бошқа бир қатор мартабали вакиллар, мамлакатимиз томонидан Ўзбекистон оғир атлетика федерацияси раисининг биринчи ўринбосари, IWF Ижроия қўмитаси аъзоси Шаҳрулло Маҳмудов бошчилигидаги федерацияси вакиллари қатнашди. Кун тартибидан 28-30 август кунлари “Ўзбекистон Республикаси Мустақиллиги кубоги” онлайн халқаро турнирини ташкил қилиш масаласи ўрин олди. Таъкидлаш жоиз, халқаро мутасаддилар мазкур ташаббусни катта қизиқиш билан қўллаб-қувватлашди. Суҳбат якунида томонлар ушбу баҳсларни катта масштабда ёритиб бориш борасида келишиб олишди.

Юртимизнинг бундай ташаббус кўрсатаётганини эшитган ҳамоно бир қатор мамлакатлар, жумладан, Саудия Арабистони, Хитой, Қозоғистон, Латвия, АҚШ каби терма жамоалар ушбу турнирда иштирок этиш истагини билдиришган. Умуман олганда, бўлажак мусобақада 40 га яқин мамлакат вакиллари иштироки кутилмоқда. Ўз навбатида, карантин даврида бўлишимизга қарамасдан, мамлакатимиз спорти ривожи йўлида ташкил қилинаётган мазкур мусобақанинг ўтказилишига ҳукуматимиз ҳам хайрихоҳлик билдираётганини таъкидлаш жоиз. Бу борада мусобақа ғолиб ва совриндорлари учун пул мукофотлари ажратилиши маълум қилинди. Бу эса мусобақага бўлган қизиқишнинг янада ортишига сабаб бўлади.

Ўтган ой ўтказилган илк халқаро онлайн турнир ташаббускори Лотин Америка давлатлари бўлиб, беллашувлар ҳам ушбу минтақа вақтига қараб белгилангани боис, вакилларимиз бизнинг вақт билан ярим тунда чиқиш қилишган эди. Ўзбекистон Жисмоний тарбия ва спорт вазирлиги, Миллий олимпия қўмитаси ва Ўзбекистон оғир атлетика федерацияси ҳамкорлигида ташкил қилинадиган бўлажак мусобақа эса Тошкент вақти билан ўтказилади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг