Ўзбекистон шахмат Олимпиадаси мезбони ёхуд Алишер Саъдуллаевнинг Ченнайдаги тақдимоти қандай ўтди? (ФОТОГАЛЕРЕЯ)

Ушбу Олимпиада доирасида Халқаро шахмат федерациясининг Конгресси ҳам ташкил этилган. Конгрессда бир қатор масалалар, шу жумладан 2026 йилги Олимпиада мезбони ҳам аниқланди. 

Ўзбекистон номидан бу бўйича мамлакатимиз шахмат федерацияси раиси Алишер Саъдуллаев тақдимот ўтказди. Ушбу чиқиш делегатларда илиқ таассурот қолдирди. Бир қатор мамлакат вакиллари бу бўйича ўз саволлари билан мурожаат қилишди ва ўзларини қизиқтирган саволларга жавоб олишди. 

Якунда делегатлар бир овоздан мазкур Олимпиада Ўзбекистонда ўтказилишини қўллаб-қувватлашди. Шу тариқа, яна 4 йилдан сўнг Ўзбекистон шахмат оламининг нуфузли мусобақаси - 46-Бутунжаҳон шахмат Олимпиадасига мезбонлик қиладиган бўлди. 

Ушбу тадбирдан суратларни томоша қилинг. 

Фото: Азиз Тўхтамуродов, Ченнай шаҳридан.