01 авг 16:52
Янгиликлар

Бошқалар

Ўзбекистон спорт делегацияси Бутунжаҳон Университетлар Спорти федерацияси раҳбари билан учрашди

Теглар : Ченду-2021

28 июль – 8 август кунлари Хитой Халқ Республикасининг Ченду шаҳрида Ченду-2021 ХХХИ ёзги Бутунжаҳон универсиада ўйинлари ўтказилмоқда.

ХХХI ёзги Бутунжаҳон “Универсиада” спорт ўйинларида иштирок этаётган Ўзбекистон спорт делегацияси аъзоларининг Бутунжаҳон Университетлар Спорти федерацияси (FISU) Президенти Леонс Эдер билан учрашуви бўлиб ўтди.

Унда Ўзбекистон Республикаси Ёшлар сиёсати ва спорт вазири ўринбосари Шаҳрулло Маҳмудов, Ўзбекистон Талабалар спорти Ассоциацияси раиси Жасур Акрамов, раиснинг биринчи ўринбосари, Бутунжаҳон Университетлар Спорти Федерацияси аъзоси Эркин Қодиров, Жисмоний тарбия ва спорт бўйича мутахассисларни қайта тайёрлаш ва малакасини ошириш институти директори Илҳомжон Турсуналиев расмий вакил сифатида қатнашдилар.

Учрашувда (FISU) Президенти Ўзбекистонда жисмоний тарбия ва спортни, шу жумладан талабалар спортни ривожлантиришга берилаётган эътибор ҳамда уларга яратиб берилаётган шарт-шароитлар учун Ўзбекистон Республикаси Президенти Ш.М.Мирзиёевга алоҳида миннатдорчилик билдирди.

Келгусида 2025-2026-йилларда FISU томонидан ўтказиладиган Жаҳон чемпионатлари ва Халқаро Универсиада ўйинларига бағишланган Форум ва Ассамблеяларни Ўзбекистон Республикасида ўтказиш масалалари кўриб чиқилди.