Ўзбекистон спортчилари бугунгача 47 мингдан зиёд медаллар жамланмасига эга бўлди

Ўтаётган йил давомида мамлакатимиз спортчилари 517 та Ўзбекистон чемпионати ва кубогида, 237 та халқаро мусобақада, 34 та қитъа чемпионатида, 7 та қитъа кубогида, 26 та жаҳон чемпионати мусобақаларида ва 6 та жаҳон кубоги спорт баҳсларида иштирок этди.

Ушбу мусобақалардаги умумий медаллар сони 47 минг 93 тани ташкил этган бўлиб, шундан 12 минг 993 та олтин, 12 минг 662 та кумуш ва 13 минг 970 та бронза медалларидан иборат. Бу, Спортни ривожлантириш вазирлиги томонидан тақдим қилинган 13 декабргача бўлган ҳолат ҳисобланади. 

Мамлакатимиз спортчилари иштирок этаётган жаҳон ва қитъа чемпионатлари, бир қатор спорт турларидаги мамлакат биринчиликлари ҳамда халқаро мусобақалар давом этмоқда.  

Хусусан, оғир атлетикачилар Колумбияда ўтаётган жаҳон чемпионатида қатнашаётган бўлса, шахматчиларимиз Қозоғистонда бўладиган жаҳон чемпионатига тайёргарлик кўрмоқда.  

Қолаверса, кураш, каратэ, сув спорт турлари, дзюдо, волейбол каби ўнлаб спорт турлари бўйича ҳам йилнинг энг сўнгги мусобақаларида ҳамюртларимиз қатнашиши назарда тутилган.