Ўзбекистон теннис федерацияси август ойида мамлакатимизда ўтадиган турнирларни эълон қилди

Унга кўра, 14-19 август кунлари Наманганда 14 ва ундан кичик ёшдаги ўсмирлар ўртасида 20 рейтинг очкоси ўйналадиган О.Халиулин хотира турнири бўлиб ўтади.

18-28 август кунлари эса Наманган халқаро 23-Namangan ITF Juniors J100 турнирига мезбонлик қилади. Мазкур мусобақа ёшлар ўртасида ташкил этилади ва унда 100 рейтинг очкоси ўйналади.

25 август - 9 сентябрь куни эса Фарғона шаҳрида Fergana Cup ITF Juniors J100 халқаро мусобақаси ўтказилади. Ушбу турнирда ҳам ёш теннисчилар 100 рейтинг очкоси учун кураш олиб боради.

Эслатиб ўтамиз, ҳозирда Ўзбекистонда катталар ўртасидаги мусобақаларни қабул қилиш ҳуқуқи мавжуд эмас.