Ўзбекистон теннис федерацияси украиналик спортчи "трансфери"ни тасдиқлади

Бу ҳақда Ўзбекистон теннис федерацияси ҳам расман хабар берди.

"Теннисчи Никита Белозерцев халқаро майдонда Ўзбекистон шарафини ҳимоя қилади. Никита Белозерцев эндиликда Ўзбекистон терма жамоаси сафида ҳаракат қилади ҳамда халқаро турнирларда мамлакатимиз байроғи остида иштирок этади.

Иқтидорли теннисчи ўз авлодининг энг кучли вакилларидан бири ҳисобланади ва ўсмирлар ўртасида юқори натижалар қайд этиб келмоқда. Айни пайтда у ITF ўсмирлар жаҳон рейтингида 13-ўринни эгаллаб турибди.

Аввал ҳам спортчи халқаро турнирларда барқарор иштирок этиб, ITF ўсмирлар рейтингида етакчилар қаторидан жой олган. Ҳозирги кунда Никита Белозерцев Халқаро теннис федерацияси (ITF) турнирларида иштирок этмоқда, шунингдек, ATP сериясидаги мусобақаларда ҳам Ўзбекистон номидан қатнашмоқда.

Никита Белозерцевнинг терма жамоага қўшилиши Ўзбекистон теннисининг халқаро майдондаги салоҳиятини янада оширади", дейилади ташкилот хабарида.