Ўзбекистон терма жамоаси биронта мағлубиятсиз Осиё чемпионати финалига чиқди + ФОТОГАЛЕРЕЯ

Хабар берганимиздек, қитъа чемпионатининг аралаш жамоавий беллашувларида Осиёнинг 11 та терма жамоаси баҳсларга киришди. Ўзбекистон терма жамоаси ўз иштирокини тўғридан-тўғри 1/4 финалдан бошлади. Бу босқичда Тожикистон терма жамоаси 4:0 ҳисобида мағлуб этилди. 

Оғир вазнга ўтган ўтган Париж-2024 олимпиадаси совриндори, жаҳон чемпиони Музаффарбек Тўрабоев Тожикистон терма жамоаси сардори Темур Раҳимовни иппон баҳоси билан мағлуб этишни уддалади. Тожикистон 1/8 финалдаги Марказий Осиё дербисида туркманистонлик дзюдочилардан устун келганди. 

Ярим финалда Ўзбекистон терма жамоаси Корея Республикаси дзюдочиларига ҳеч қандай имконият қолдирмади - 4:0. Кутилганидек, финалдаги рақиб - Япония! Кунчиқар юрт вакилларига қарши кечадиган финал беллашуви бизнинг вақт билан соат 14:00да бошланади. 

Маълумот учун, ўтган йили Гонконг давлатида ўтган Осиё чемпионатининг аралаш жамоавий баҳсларида Ўзбекистон бронза медалларини қўлга киритганди.