Ўзбекистон терма жамоаси FINA жаҳон сериясида совриндор бўлди

Унда жаҳоннинг 18 мамлакатидан спортчилар иштирок этишмоқда. Улар қаторида Ўзбекистон терма жамоаси аъзолари ҳам ўз омадини синаб кўрмоқда. Қизларимиз гуруҳ беллашувларида эркин чиқиш бўйича машқларда 80,3000 балл тўплаб, бронза медалини қўлга киритдилар. Бу борада Япония биринчи, Франция терма жамоаси қизлари эса иккинчи ўринни эгаллашди.

«Highlight» машқларида эса терма жамоамиз аъзолари 79,4000 балл жамғариб, кумуш медалга сазовор бўлишди. 85,2667 балл тўплаган франциялик қизлар эса олтин медални қўлга киритдилар. «Highlight» акробатик машқлардан ташкил топган қийин дастур ҳисобланади. Ўзбекистон терма жамоасида акробатик машқлар мураббий Фарҳод Ҳикматов бошчилигида олиб борилади.

Эслатиб ўтамиз, бундан бир неча кун олдин Хитойдаги Жаҳон сериясининг соло бўйича эркин чиқиш баҳсларида Хонзода Тошхўжаева олтин, «Highlight»нинг жамоавий эркин дастурида эса терма жамоамиз аъзолари бронза медалларини қўлга киритгандилар.