24 мар 15:46
Янгиликлар
Дзюдо
Ўзбекистон терма жамоаси Тбилиси "Катта Дубулға" турнирини 2 та кумуш медаль билан якунлади
Айни дақиқаларда Грузия пойтахти Тбилиси шаҳрида дзюдо бўйича "Катта Дубулға" туркумига кирувчи турнирнинг сўнгги учинчи кунги беллашувлари ўтказилмоқда.
Афсуски, учинчи кунги баҳслар дзюдочиларимиз учун омадсиз якунланди. Мукофот жамғармаси 154 000 еврони ташкил этувчи ушбу нуфузли мусобақада Ўзбекистон терма жамоасининг 18 нафар дзюдочиси медаллар ҳамда Париж-2024 Олимпиадаси йўлидаги қимматли рейтинг очколари учун баҳс олиб боришди.
Якунда терма жамоамиз 2 та кумуш медаль билан мусобақадаги иштирокини тугатди. Сардор Нуриллаев (-66 кг) ва Шарофиддин Болтабоев (-81 кг) терма жамоамизга кумуш медалларни тақдим этишди. Бу икки дюдочимиз қимматли 700 рейтинг очкосини ҳам қўлга киритди. Бир нафардан дзюдочимиз бешинчи ва еттинчи ўринларни банд этишди.
Ҳавола :
Манба : olamsport.com
Фикрлар