Ўзбекистон терма жамоасининг шахмат Олимпиадаси учун таркиби маълум

Хабарингиз бор, 10-23 сентябрь кунлари Венгрия пойтахти Будапешт шаҳри Бутунжаҳон Шахмат Олимпиадасига мезбонлик қилади. Ўз тарихида 45-маротаба ташкил этилаётган Олимпиадада 3500 нафарга яқин шахматчи қатнашади. Улар орасида амалдаги Олимпиада чемпиони Ўзбекистон терма жамоаси ҳам бор. 

Терма жамоа мураббийлар штаби Будапештга чемпионлик ҳимояси учун борадиган таркибни эълон қилди. Икки йил аввал Ҳиндистоннинг Ченнай шаҳрида қаҳрамонларга айланган кучли бешлик ўзгармади. Нодирбек Абдусатторов, Жавоҳир Синдаров, Нодирбек Якуббоев ҳамда Жаҳонгир ва Шамсиддин Воҳидовлар ватанимиз шарафи билан бирга чемпионлик унвонини ҳам ҳимоя қилишади. 

Ўзбекистон терма жамоаси таркиби:

GM Нодирбек Абдусатторов (2769)

GM Жавоҳир Синдаров (2674)

GM Нодирбек Якуббоев (2648)

GM Шамсиддин Воҳидов (2643)

GM Жаҳонгир Ваҳидов (2571)

Жамоанинг ўртача рейтинги 2684 ни ташкил этади. Бу эса рўйхатдаги 3 та давлатдан кейин энг юқори 4-натижа ҳисобланади. Бундан аввалги Олимпиадада терма жамоамизнинг ўртача рейтинги 2625 нии ташкил қилган ва бу якунда Топ-7`таликдан жой олган энг паст кўрсаткич бўлганди.

Ченнайда Ўзбекистон терма жамоаси 19 очко билан қўшимча кўрсаткичларга кўра Арманистонни ортда қолдириб, тарихда илк бор Олимпиада чемпионига айланганди. Арманистон кумуш, Ҳиндистон-2 жамоаси бронза медалини қўлга киритганди.