14 май 07:02
Янгиликлар

Футбол

Ўзбекистон U-16 терма жамоаси халқаро турнирни дуранг билан бошлади

Душанбе шаҳрида ўтказилаётган CAFA U-16 Championship 2022 турнирининг илк баҳсида Ўзбекистон U-16 терма жамоаси Эрон билан жанговар дуранг ўйнади.

Дастлабки голни киритиб, биринчи таймни ўз фойдасига ҳал қилган Жамолиддин Раҳматуллаев шогирдлари иккинчи бўлимда ўз дарвозасидан иккита тўп ўтказиб юборди. Учрашувнинг сўнгги дақиқаларида эса ўзбекистонликлар ҳисобни тенглаштирди. Шу тариқа, мазкур баҳс дуранг натижа билан якунланди.

Эслатиб ўтамиз, U-16 терма жамоаси навбатдаги ўйинни эртага афғонистонлик тенгқурларига қарши ўтказади.

Ўзбекистон 2:2 Эрон

Голлар: Зикрилло Мухторов, Ганди Пур 59, Маҳан Дигеҳсара 62, Амирбек Саидов 88.

Ўзбекистон U-16 терма жамоаси: Муҳаммадюсуф Собиров, Беҳруз Шукуруллаев, Озод Ўктамов, Шерзод Абдулбориев, Данил Панферов, Оллоберган Каримов, Азизбек Тўлқинов, Зикрилло Мухторов, Лазизбек Мирзаев, Жаҳонгир Ҳошимбоев, Шодиёр Шодибоев