Ўзбекистон ва БАА дзюдо федерациялари ҳамкорлиги янги босқичда!

Икки қитъанинг кўзга кўринган дзюдочилари қаторида ўзбекистонлик спортчилар ҳам нуфузли мусобақада муносиб тарзда иштирок этишяпти. Осиё чемпионати доирасида Ўзбекистон дзюдо федерацияси раҳбарияти ҳам изчил иш олиб бормоқда. 

Жумладан, Ўзбекистон дзюдо федерацияси президенти Азизжон Камилов Дубай шаҳрида БАА дзюдо, спорт курашлари ҳамда кикбоксинг федерациялари президенти Муҳаммад Бин Талуб Ал Дериянинг таклифи билан учрашув ўтказди. Бу бежиз эмас, албатта. Ўзбек дзюдоси қитъада ўз ўрнига эга бўлиб, жуда кўплаб мамлакат федерациялари биз билан ҳамкорлик қилишни ўз олдига мақсад қилиб қўяди.  

Ўзбекистон ва БАА дзюдо федерациялари раҳбарларининг учрашуви чоғида томонлар ҳар икки мамлакат дзюдо федерацияларининг ҳамкорлигини янги босқичга олиб чиқиш, дзюдочиларнинг қўшма йиғинларини ташкил этиш, мураббийларнинг тажриба алмашинувини таъминлаш, мураббийлар ва ҳакамлар учун турли семинарлар ўтказиш каби масалаларни муҳокама қилишди. 

Учрашув сўнггида Азизжон Камилов ва Муҳаммад Бин Талуб Ал Дерия ўзаро эсдалик совғалари алмашишди.