12 фев 17:37
Янгиликлар
Қишки спорт турлари, Харбин-2025
Ўзбекистон Харбиндаги қишки Осиё ўйинларида олтин медаль қўлга киритди
Хитойнинг Харбин шаҳрида Қишки Осиё ўйинлари давом этмоқда.
Ўзбекистон спорт делегацияси мазкур ўйинлардаги илк медалини қўлга киритди. Илк медалимиз олтин бўлди.
Фигурали учиш баҳсларида юртимиз шарафини ҳимоя қилаётган Дмитрий Чигирев ва Екатерина Гейниш барча рақибларини ортда қолдирган ҳолда, биринчи ўринни эгаллашди.
Терма жамоамиз аъзолари кеча қисқа дастурларда 64,55, бугун эркин машқларда эса 111,88, умумий ҳисобда 176,43 очко тўплаб, олтин медалга сазовор бўлди.
Бу борада кумуш ва бронза медаллари мос равишда Япония ва КХДР вакилларига насиб этди.
Ҳавола :
Манба : olamsport.com
Фикрлар