Ўзбекистон йилқичилик ва от спорти федерацияси раиси Баҳромжон Газиевнинг ўзи ҳам Осиё ўйинларида иштирок этиш учун рўйхатдан ўтди

Мусобақада Ўзбекистон терма жамоаси аъзолари ҳам иштирок этмоқда.

Қизиғи, Ўзбекистон йилқичилик ва от спорти федерацияси раиси Баҳромжон Газиевнинг ўзи ҳам беллашувларда иштирок этиш учун расмий рўйхатдан ўтгани маълум бўлди. Баҳромжон Газиев 4 октябрь куни ўтказиладиган жамоавий баҳсларда ғолиблик учун кураш олиб боради.

Таъкидлаш жоиз, Баҳромжон Газиев от спорти бўйича ўтказиладиган маҳаллий ва халқаро мусобақаларда тез-тез иштирок этиб келади. У май ойида Россиянинг Москва шаҳрида ўтказилган “BitRiver” халқаро мусобақасида ҳам олтин медални қўлга киритган эди. 

Маълумот учун, Баҳромжон Газиев бир вақтнинг ўзида Ўзбекистон йилқичилик ва от спорти федерацияси, Ўзбекистон замонавий бешкураш федерацияси ҳамда Ўзбекистон поло федерацияси раиси ҳисобланади.