Ўзбекистон замонавий бешкураш федерациясига янги раис ўринбосари сайланди

Унда ташкилий масала кўрилди. Конференцияда Раҳматжон Рустамов Ўзбекистон замонавий бешкураш федерациясига раис ўринбосари этиб сайланди.

Самарқанд давлат чет тиллар институтини тамомлаган Раҳматжон Нўғмонович 1998-1999 йилларда Оклахома штати университетида, 1999-2000 йилларда Лондондаги North UK университетида таҳсил олган. 2002 йилда Буюк Британия-Лондон Метрополитан Университетида магистр даражасини эгаллаган.

2013 йилдан бери у БAAнинг Дубай шаҳридаги CIF Logistics FZE логистика компанияси раҳбари сифатида фаолият юритиб келяпти.

Замонавий бешкураш федерацияси раиси ўринбосари этиб сайланган Р.Рустамов ўз фаолияти давомида болалар спортини жадал ривожлантириш учун шароит яратиш, 2026 йилда Дакарда бўлиб ўтадиган ёзги ўсмирлар Олимпия ўйинларига мамлакат ёшлар терма жамоасини тайёрлашни мақсад қилган.