UZ

Сўнгги янгиликлар

22:30Азиза Зокирова ҳам лицензион турнирни ғалаба билан бошлади 0 19:30"Учталик масҳарабоз қайтмоқда". Ян Сехудога жавоб берди 0 19:09"Бутун умрим давомида Хабибдан ўрнак олганман" - Ислам Махачев 0 18:48Хави АПЛнинг топ-клуби билан музокаралар олиб бормоқда 0 18:27Порье беш йил ичида кучайдими? Хабиб жавоб берди 0 18:06Энди Маррей "Ролан Гаррос"даги илк ўйинида ютқазди 0 17:45Эдвардс: "Билол Муҳаммадни 10 та жангдан 10 тасида мағлуб этган бўлардим" 0 17:22Ўзбекистон футзал терма жамоасининг рақиблари ФИФА рейтингида нечанчи ўринларда бормоқда? 0 17:00"Русга айланаман". Сехудо Петр Янни жангга чорлади 0 16:38Кениялик атлет жаҳон рекордини янгилади 0 16:17Махачев Порье ҳақида: "У UFC Шон-шараф Залига кирадиган одам" 0 15:56Туркия терма жамоасининг Евро 2024 учун кенгайтирилган таркиби маълум қилинди 0 15:35WTA рейтинги. Коллинз Топ-10`га қайтди, теннисчиларимизнинг бари кўтарилди 0 15:14Жаҳон чемпионатининг ҳар бир чизиғи бўйича энг яхшилари аниқланди 0 14:53Бугун боксчимиз лицензион турнирда жанг қилади 0

20 мар 14:02
Янгиликлар

Бошқалар

Ўзбекистонда 77 нафар спортчининг келишилган ўйинлардаги иштироки аниқланган

Теглар :  Ўзбекистон
Спорт соҳасидаги бу каби кўнгилни хира қиладиган коррупция ҳолатлари соҳада адолатлилик бузилишига сабаб бўлади.

Баъзан республика ва халқаро спорт мусобақаларида, футбол ўйинларида адолатсиз қарор чиқарилгани, ҳакамларнинг қайсидир спортчи ёки жамоага «сотилгани» ҳақидаги гап-сўзлар қулоғимизга чалинади. Томошабинлар, айниқса, футбол ишқибозлари ҳакамларнинг бир томонга ён босганини, атайлаб адолатсизлик қилгани яққол сезилганини муҳокама қилишади.

Спорт соҳасидаги бу каби кўнгилни хира қиладиган коррупция ҳолатлари соҳада адолатлилик бузилишига сабаб бўлади. Маълумотларга қараганда, юртимизда 2019-2023 йилларда 30 нафар футболчи ва ҳакамлар, 8 нафар мураббий, 7 нафар футбол клублари раҳбари ва 2 нафар футбол клуби маъмурияти ходими – жами 77 нафар спортчининг келишилган ўйинларда иштирок этгани аниқланиб, тегишли чоралар қўлланилган.  

Спортдаги коррупция ҳолатлари, биринчи навбатда, спортчилар, ҳаваскорлар, миллионлаб томошабинларнинг соҳага иштиёқи, ишончи йўқолишига сабаб бўлади. Минглаб ёшларни профессионал спортга жалб қилиш бўйича саъй-ҳаракатлар олиб борилаётган бир вақтда коррупциявий ҳолатлар спортни ривожлантиришга тўсиқ бўлади, тенг ҳуқуқлилик принципи, адолат тамойилларининг бузилишига олиб келади.  

Эндиликда бундай ҳолатларнинг олдини олиш мақсадида қонунчилигимизда жиноий жавобгарлик масаласи кўзда тутилмоқда. Ўзбекистон Республикасининг Жиноят кодекси тегишли моддалар билан тўлдирилиб, спорт мусобақалари иштирокчилари ва ташкилотчиларининг қонунга хилоф равишда моддий қимматликлар олиши ёки мулкий манфаатдор бўлиши ҳамда спорт мусобақалари иштирокчилари ва ташкилотчиларини пора эвазига оғдириб олиш учун жиноий жавобгарлик белгиланмоқда.  

Ушбу тартибларни ўз ичига олган «Спорт соҳасида коррупциянинг олдини олиш мақсадида Ўзбекистон Республикасининг Жиноят кодексига қўшимчалар киритиш тўғрисида»ги қонун лойиҳаси айни пайтда парламент қуйи палатасида кўриб чиқилмоқда.  

Таъкидлаш жоизки, мазкур қонун лойиҳаси билан миллий қонунчилигимиз замонавий халқаро стандартлар ва илғор хорижий тажрибани инобатга олган ҳолда янада такомиллашади. Соҳада коррупцияга нисбатан муросасиз муносабат шаклланади, жавобгарликнинг муқаррарлиги таъминланади. Пировард натижада эса спорт соҳасида ҳалоллик, одиллик таъминланади, ёшларнинг, ота-оналарнинг спортга бўлган қизиқиши, иштиёқи ошади.  

Шу ўринда эътироф этиш лозимки, юртимизда жисмоний тарбия ва спортни оммалаштириш, аҳоли, айниқса, ёшлар ўртасида соғлом турмуш тарзини тарғиб қилиш учун зарур шарт-шароитлар ва инфратузилмани яратиш, мамлакатнинг халқаро спорт майдонларида муносиб иштирок этишини таъминлашга қаратилган изчил ислоҳотлар амалга оширилмоқда. Охирги икки йилда спортни ривожлантириш бўйича 30 дан ортиқ норматив-ҳуқуқий ҳужжатлар қабул қилинди. Сўнгги беш йилда эса соҳага қарийб 4 триллион сўм маблағ ажратилди.  

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг