Ўзбекистонда ўтказилган "Олимпия куни" ХОҚ эътирофида

Шу муносабат билан мамлакатларда мазкур санага бағишланган турли спорт тадбирлари ташкил этилади. Қувонарлиси, 5-6 июль кунлари Ўзбекистонда ўтказилган "Олимпия куни" доирасидаги тадбирлар Халқаро олимпия қўмитасининг расмий "OLYMPIC HIGHLIGHTS" журнали томонидан ҳам эътироф этилди. 

Унда мамлакатимизда ўтказилган мазкур тадбирлар йирик масштабда ташкил этилгани, байрам Республика Президенти Шавкат Мирзиёевнинг 5 та ташаббуси дастури доирасида ўтказилгани қайд этилган.

"Ўзбекистон МОҚ 20019 йилги Олимпия кунида мамлакат бўйлаб 2000 та спорт тадбири ташкил этилганини ва бу 2,5 миллион иштирокчини бирлаштирганини эълон қилди. Гала-концертга эса 8000 томошабин ташриф буюрди. Мактабгача таълим муассасаси, мактаб, коллеж, университет ва ёзги оромгоҳлар бўйлаб оммавий спорт мусобақалари ташкил этилди. Олимпия куни Ўзбекистон Президенти Шавкат Мирзиёевнинг бешта ташаббусидан бири доирасида ташкил этилди. Бу мамлакатда жисмоний тарбия ва спортни ривожлантириш, ёшларни спорт билан қамраб олиш ва уларни спорт билан шуғулланишга чорлашга йўналтирилгандир" - дейилади Халқаро олимпия қўмитаси журналида. 

Ўзбекистонда ўтказилган Олимпия кунидан ФОТОГАЛЕРЕЯ