14 фев 01:03
Янгиликлар

Бошқалар, Болалар спорти

Ўзбекистонда Спорт вазирлиги тузилмоқда, унга ЎФА Вице-президенти раҳбар бўлади

Ўзбекистон Жисмоний тарбия ва спорт давлат қўмитаси ўрнида Спорт ишлари вазирлиги ташкил этилади.

Бу бўйича Президентнинг тегишли Фармони имзоланган. Хабарда маълум қилинишича, қўмита раиси Рустам Қурбонов лавозимдан кетган. У 2017 йилнинг февралида янги ташкил қилинган қўмитага раҳбар этиб тайинланганди.

Энди унинг ўрнида янги тузилган вазирликка Ўзбекистон давлат жисмоний тарбия институти ректори, ЎФА вице-президенти Шоакрам Исроилов раҳбар бўлади.

Шу кунгача Ўзбекистон миллий олимпия қўмитаси биринчи вице-президенти лавозимида ишлаб келган Ойбек Қосимов эса вазирнинг биринчи ўринбосарига айланади.