⚡️Ўзбекистонда Сумо федерацияси ташкил этилди

Федерациянинг асосий мақсади сифатида Ўзбекистонда сумо спорт турини ривожлантириш ва оммалаштириш, сумо спортчилари, айниқса, ёшларни ҳар томонлама қўллаб-қувватлаш, сумо спорт тадбирларини ўтказиш, халқаро спорт алоқаларини кенгайтириш, федерация аъзоларининг ҳуқуқ ва қонуний манфаатларини ифодалаш ва ҳимоя қилиш келтирилади.

Таъкидлаш жоиз, федерация раислигига Камол Усмонов сайланган. Шунингдек, Дурдона Абдужабборова Ўзбекистондаги биринчи сумочи бўлди.

Маълумот ўрнида, сумо спорт тури Японияда пайдо бўлган, у Япониянинг миллий спорт тури ҳисобланади. Шунинг учун, қоидалар Япония сумо ассоциацияси томонидан белгиланади.