UZ

Сўнгги янгиликлар

16:02Ник Диаснинг UFC'даги жанги бекор қилинди 0 15:38"Ҳумо" жамоаси Москвада йиғинга киришди (ФОТОГАЛЕРЕЯ) 0 15:16Кроуфорд: "Мадримовга енгил назар билан қараётганим йўқ" 0 14:53Месси «Интер Майами» сафида нечта ўйин ўтказиб юбориши маълум 0 14:26Биласизми? Олимпия ўйинлари очилиш маросими бу сафар стадионда ўтказилмайди 0 14:05Расман. Маҳмуд Мурадов кейинги жангини кимга қарши ўтказиши тасдиқланди. Унинг рақиби ҳам собиқ UFC жангчиси! 0 13:44Формула-1. Оскар Пиастри – Венгрия Гран-приси ғолиби! 0 13:23Расман: "Арсенал" "Аякс" дарвозабони билан шартнома имзолади 0 13:02"Тур де Франc" кўп кунлик пойгасининг ғолиби аниқланди 0 12:41Жаҳон чемпионати йўлланмаси ўртага қўйилган Ўзбекистон чемпионатида ғолиблар маълум 0 12:20Жервонта Дэвис Париж-2024 Олимпия ўйинларига боради 0 11:59"Ювентус" Йилдизни қўйиб юборишни хоҳламаяпти 0 11:38UFC'га ўтиш истагида бўлган Заурбек Сидаков Гэтжи билан бирга шуғулланди + ФОТО 0 11:17Олимпиадада Қозоғистон таркибида неча нафар "легионер" иштирок этиши маълум 0 10:56Диана Шнайдер мавсумдаги учинчи совринини қўлга киритди 0

20 окт 12:38
Янгиликлар

Бошқалар

Ўзбекистонда яна бир спорт ассосиацияси ташкил этилди

Ўзбекистон соғлом турмуш тарзи ва фитнес миллий ассосиациясига асос солинди.

Мамлакатимизда аҳоли орасида жисмоний тарбия ва спорт, соғлом турмуш тарзи тарғиботини янада кучайтириш мақсадида Ўзбекистон соғлом турмуш тарзи ва фитнес миллий ассоциацияси ташкил этилди.  

Ассосиациянинг илк конференциясини МОҚ Бош котиби Ойбек Касимов олиб борди. Унда Ўзбекистон Республикаси Президенти Администрацияси департамент раҳбари Одил Абдурахманов, Ёшлар сиёсати ва спорт вазирининг ўринбосари Дурдона Раҳимова, Ёшлар ишлари агентлиги директорининг ўринбосари Дилнозахон Каттахонова, фитнес ва масрестлинг федерациясининг масъуллари иштирок этишди. 



Ойбек Омилович даставвал ташкил этилаётган янги ассоциациянинг мақсад ва вазифалари хусусида тўхталар экан, бу Президентимизнинг Олий Мажлис ва Ўзбекистон халқига йўллаган Мурожаатномаларида илгари сурган Соғлом турмуш тарзи ҳаракатининг амалий натижаси бўлишини таъкидлади. 

Тадбирда Одил Қаландарович Абдурахмонов номзоди Ўзбекистон соғлом турмуш тарзи ва фитнес миллий ассоциацияси раислигига илгари сурилди. Делегатлар ушбу номзодни бир овоздан қўллаб-қувватлашди ва О.Абдурахманов янги ташкил этилган ушбу ассоциация раиси этиб сайланди. 



Ўз навбатида, Одил Қаландарович билдирилган ишончни оқлашга, аҳоли орасида соғлом турмуш тарзи ва тўғри овқатланишни тарғиб қилиш, мамлакатимиздаги фитнес индустриясини янада кучайтириш йўлида бор куч-ғайратини ишга солишга ваъда берди.

Кун тартибига мувофиқ, Ассоциация раиси ўринбосарларининг таркиби ҳам шакллантириб олинди. Унга кўра, Ёшлар сиёсати ва спорт вазирининг биринчи ўринбосари Алишер Саъдуллаев, шунингдек, Жаҳонгир Наврўзов, Моҳир Каримов ҳамда Шоҳруҳ Далиев Ассоциация раиснинг ўринбосарлари лавозимига сайланишди. 



Тадбирда сўз олган Дурдона Раҳимова Ёшлар сиёсати ва спорт вазирлиги ушбу ташкилот фаолиятини ривожлантириш, ёшлар орасида кенг тарғиб қилишда елкадош бўлишини билдирди. Шунинг билан, Ўзбекистон соғлом турмуш тарзи ва фитнес миллий ассоциациясининг Конференцияси ўз ишини якунлади.

Ўзбекистон Миллий Олимпия қўмитаси матбуот хизмати

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг