Ўзбекистонлик бокс мутахассиси World Boxing супервайзерига айланди

Эътиборли жиҳати шундаки, Тамила Сариханова ушбу нуфузли ташкилот тарихида мазкур масъулиятли лавозимга тайинланган илк ўзбекистонлик ва умуман биринчи аёл мутахассис сифатида қайд этилди. Бу нафақат шахсий ютуқ, балки ўзбек бокси ва мамлакатимиз спорт мутахассислари салоҳиятининг халқаро миқёсдаги яна бир эътирофи ҳисобланади. 

Унинг кўп йиллик меҳнати, юқори малакаси, халқаро мусобақалардаги фаолияти ҳамда бокс ривожига қўшган муносиб ҳиссаси бугун ўзининг юқори баҳосини олмоқда.

Ишонамизки, Тамила Сариханова янги вазифасида ҳам юқори профессионализм намоён этиб, халқаро бокс ҳамжамиятида Ўзбекистон номини муносиб тарзда намоён қилишда давом этади.

Фурсатдан фойдаланиб, юртдошимизни ушбу муҳим тайинлов билан самимий табриклаймиз ва келгуси фаолиятида улкан муваффақиятлар, янги ютуқлар ҳамда омад ёр бўлишини тилаб қоламиз!