27 дек 18:51
Янгиликлар

Олимпия ўйинлари, Қишки спорт турлари

Ўзбекистонлик икки спортчи Кангвон-2024 қишки ўсмирлар Олимпиадасида иштирок этади

2024 йилнинг 19 январидан 1 февралга қадар Корея Республикасининг Кангвон шаҳрида ўсмирлар ўртасида IV қишки Олимпиада ўйинлари ўтказилади.

Аҳамиятлиси, ушбу нуфузли мусобақада Ўзбекистон делегацияси ҳам иштирок этадиган бўлди.

Аввалроқ, тоғ чанғиси бўйича ўзбекистонлик спортчилар Самандар Асанов, Рауан Раимқулов ва Сабина Режепова Австрия ҳамда Италиядаги лицензион турнирда иштирок этиши ҳақида хабар берган эдик. Қувонарлиси, спортчиларимизнинг барчаси Кангвон-2024 қишки ўсмирлар Олимпиадасига йўлланма киритди. Аммо ушбу спорт турида Ўзбекистон терма жамоасига 1+1 кўринишидаги квота ажратилгани боис, мураббийлар штаби Рауан Раимқулов ҳамда Сабина Режеповани мусобақада иштирок этиш учун танлаб олди. Самандар Асанов эса Раимқуловга захира номзоди сифатида бирга машғулот олиб бораётгани айтилмоқда.

МОҚ матбуот хизматининг хабар беришича, бугун тунда ҳамюртларимиз Жанубий Кореяга йўл олишади. Спортчиларимиз Корея томонидан тақдим этилган “2018-йилги Олимпия ўйинларининг ворислари фонди” лойиҳаси асосида мусобақа бошлангунча машғулот олиб борадилар.

Эслатиб ўтамиз, 2020 йил Лозаннада (Швейцария) ўтган III қишки ўсмирлар ўртасидаги Олимпиадада Ўзбекистон шарафини бир нафар спортчи - Валерия Ковалева ҳимоя қилган эди.

Ҳавола :

Манба : olympic.uz

Рейтинг:

13:06

Zuffa Boxing 13. Жаҳонгир Зокиров ва Раҳматулло Бойматовнинг рақиблари маълум (Тўлиқ кард) 0

15:00

Дакар-2026: Муҳаммадисмоил Раҳмоновнинг медали Ўзбекистон сузиш спорти учун тарихий ҳисобланади 0

21:04

WTA рейтинги янгиланди. 22 поғона юқорилаган Раҳимова энди дунёнинг 44-ракеткаси! 0

Фикрлар

< сўнгги янгиликларни кўриш

27 дек 18:51 Янгиликлар

Ўзбекистонлик икки спортчи Кангвон-2024 қишки ўсмирлар Олимпиадасида иштирок этади

Ўхшаш янгиликлар

27 дек 18:51
Янгиликлар