Ўзбекистонлик жангчи Али Абдель-Азизга мурожаат қилиб, Дана Уайтга у ҳақида гапириб беришини сўради

Ҳамюртимиз мазкур пости орқали машҳур ММА менежери Али Абдель-Азиздан UFC президенти Дана Уайтга у ҳақида хабар беришини сўраган.

Эслатиб ўтамиз, кеча ўзбекистонлик Нурсултон Рўзибоев UFC'даги дебют жангида бразилиялик Бруно Ферррейрани мағлуб этган эди. Нурсултон айнан Али Абдель-Азизнинг мижози ҳисобланади.

"Ҳой, Дана Уайт, Майкл Биспинг. Менимча, сизларга UFC учун люкс пакетдаги таржимон керак бўлиб қолади. Мана мен, Ўзбекистонда ўсганман, миллатим тожик, рус мактабида ўқиганман, 18 ёшимда эса АҚШга келганман. Шундай экан, 4 тилда: ўзбек, тожик-форс, рус ҳамда инглиз тилларида сўзлаша оламан. Бу менимча, етарли. Мураббий, жангчи, таржимон - бу яхши эшитилади. Али Абдель-Азиз мен ҳақимда Дана амакига гапириб беринг", - дея кулади Зарруҳ.

Маълумот учун, Зарруҳ Адашев 2020-2022 йиллар оралиғида UFC'да тўртта жанг ўтказган ва уларнинг биттасида ғалаба қозонган, учта жангда мағлубият аламини тотиб кўрган. Шунингдек, Зарруҳ Адашев Bellator лигасида ҳам учта жанг ўтказиб, уларнинг барчасида зафар қучган.