18 апр 07:38
Янгиликлар

Бокс/ММА

Ўзбекистонлик ММА жангчиси Хамзат Чимаев билан шуғулланмоқда + ФОТО

Ўрта вазн тоифасида UFC жангчиси, БАА вакили Хамзат Чимаев навбатдаги жангига тайёргарликларни бошлаб юборган.

У Дубай шаҳридаги (БАА) "TKMMA" залида машғулот олиб бормоқда. Аввал хабар берганимиздек, Хамзат бу ерда ўзбекистонлик мураббий Ҳусан Мажлимов қўл остида шуғулланади.

Куни кеча ижтимоий тармоқларда ўзбекистонлик аралаш якка кураш устаси, Ҳусан Мажлимовнинг яна бир шогирди Хотамбек Бойназаровнинг Хамзат Чимаев билан сурати тарқалди.

Маълумот учун, Чимаев 22 июнь куни Саудия Арабистонининг Ар-Риёд шаҳрида ўтказиладиган UFC Fight Night турнирининг марказий жанги доирасида австралиялик Роберт Уиттакерга қарши октагонга кўтарилади.