03 ноя 16:06
Янгиликлар
Теннис
Ўзбекистонлик, қозоғистонлик ва исроиллик теннисчилар келишилган ўйинларда қатнашгани сабабли жазоланди, бири умрбод четлатилди
Бутунжаҳон теннисдаги адолатни таъминловчи агентлик Қозоғистон, Ўзбекистон ва Исроил теннисчиларини келишилган ўйинлар сабабли дисквалификация қилди.
2014-2019 йиллар давомида келишилган матчлар бўйича 21 та айблов қўйилган қозоғистонлик Тимур Хабибуллин 60 минг доллар жаримага тортилди ва бир умрга теннисдан четлатилди.
Ўзбекистонлик теннисчи Санжар Файзиевга 5 та айблов қўйилган. У 15 минг доллар жарима тўлайди ва 3,5 йилга дисквалификация бўлади.
Исроиллик Игорь Смиланский эса 4 минг доллар жаримага тортилган ва 2 йилга дисквалификация қилинди. Унга 3 та айблов қўйилган.
Белгиланган жазо теннисчиларнинг четлатилган санаси - 25 июль кунидан кучга кирган. Дисквалификация вақтида уларга теннис ўйнаш, машғулот ўтказиш ва теннис тадбирларига бориш тақиқланади.
Ҳавола :
Манба : ITIA
Фикрлар