Ўзбекистонлик спортчи билан жанг қилган яна бир чечен UFC'да дебют қилади

Турнир доирасида асли чеченистонлик, ҳозирда Германия шарафини ҳимоя қилувчи Ислам Дулатов октагонга кўтарилади. 26 ёшли аралаш яккакураш устасига UFC'даги дебют жангида америкалик Адам Фьюгитт рақиблик қилади.

Яримўрта вазн тоифасида фаолият олиб борувчи Дулатов ҳозирга қадар 12 та жанг ўтказиб, 11 ғалаба ва 1 мағлубият қайд этган. У 2019 йилда ўзбекистонлик Фирдавс Ҳасанов билан тўқнаш келиб, очколар ҳисобига кўра ғалаба қозонганди.

35 ёшли Адам Фьюгитт эса фаолияти давомида 10 та ғалаба ва 4 та мағлубиятни ўз ҳисобига ёздириб қўйган.