Ўзбекистонлик спортчи параканоэ бўйича Жаҳон кубоги олтин медали соҳиби!

Олтмишдан зиёд мамлакат вакиллари иштирок этган баҳсларда ўзбекистонлик спортчилар муваффақиятли қатнашдилар.

Аёллар ўртасида КL-3 йўналишида ўтказилган финал босқич беллашувларида Шахноза Мирзаева барча рақибларини ортда қолдириб, олтин медалга сазовор бўлди. Шу йўналишнинг эркаклар ўртасидаги баҳсларида эса Ҳайитмурод Шерқўзиев кумуш медални қўлга киритди.

Аввалроқ, Азизбек Абдуҳабибов KL-2 йўналишида бронза медали соҳибига айланганлиги ҳақида хабар бериб ўтгандик. Шу тариқа, Ўзбекистон параканоэ терма жамоаси Жаҳон кубогидан учта медаль, олтин, кумуш ва бронза билан қайтадиган бўлди.