17 окт 12:23
Янгиликлар

Қишки спорт турлари

Ўзбекистонлик тоғ чанғичилар Австрияда ўқув-машғулот йиғинини ўтказмоқда

Тоғ чанғиси бўйича Ўзбекистон спорт делегацияси шу кунларда Австриядаги Штубайтал ва Хинтертух тоғ чанғи марказларида ташкил этилган ўқув-машғулот йиғинида иштирок этмоқда.

10 октябрдан бошланган йиғин 9 ноябрга қадар давом этади. Ўқув-машғулотлар йиғини билан боғлиқ сарф-харажатлар эса тўлиқ Жисмоний тарбия ва спорт вазирлиги томонидан қопланмоқда.

Йиғинда қатнашаётган спортчиларимиз:

Андрей Воронов – мураббий,

Арман Гаюпов – спортчи, 2000 йил,

Валерия Ковалёва – спортчи, 2003 йил.

Ушбу ўқув-машғулотлар йиғини мамлакатимиз спортчиларига қишки спорт турлари бўйича янги мавсум бошланиши олдидан муҳим тайёргарлик вазифасини ўтайди. Қолаверса, спортчиларимизни олдинда йирик мусобақа, 2020 йил 6-22 январь кунлари Швейцариянинг Лозанна шаҳрида ўтказиладиган III қишки ўсмирлар Олимпия ўйинлари кутиб турибди. Ушбу нуфузли спорт анжуманида тоғ чанғи спорти бўйича 2002-2003 йилларда туғилган йигит ва қизлар иштирок этишлари мумкин.

Австриядаги йиғин якунлангач, Валерия Ковалёва Италияда бошланадиган III қишки ўсмирлар Олимпия ўйинларига рейтинг очколарини тақдим этувчи лицензион турнирларда ўз омадини синаб кўради.