08 фев 10:14
Янгиликлар
Бокс/ММА
Ўзбекистонлик UFC жангчиси Богдан Гусков Магомед Анкалаев - Алекс Перейра тўқнашувига тахмин билдирди
Ярим оғир вазн тоифасида ўзбекистонлик UFC жангчиси Богдан Гусков вазн чемпиони, бразилиялик Алекс Перейра ва Россия вакили Магомед Анкалаев ўртасидаги эҳтимолий жанг ҳақида гапирди.
"Магомед бу жангда қандай услуб танлаши мумкин эди деган савол туғилади. Агар Анкалаев Алексни курашга тортса, Перейра катта муаммога дуч келади. Агар улар "стойка"да жанг қилса, жангда рақобат юзага келади. Магомед яхши зарба техникасига эга. У нокаут билан ғалаба қозонишга қодир.
Топ даражадаги кўп жангчилар Перейра билан учрашди. Алекс Glory лигасида барчанинг бошини "узган" эди. У ўзини яхши зарба берувчи сифатида намоён қилди. Мисол учун, Исраэль Адесанья билан жангда. Мен Перейранинг техникаси ҳақида бирор нарса дея олмайман. У жанглар орқали натижа кўрсатади", - деди Богдан.
Эслатиб ўтамиз, Гусков 11 февраль куни тонгда америкалик Зау Пауга билан жанг қилади.
Ҳавола :
Манба : mma.metaratings.ru
Фикрлар