03 окт 15:05
Янгиликлар

Бошқалар, Осиё ўйинлари

Ўзбекистонлик яна бир таниқли блогер "Литтос" ҳам Осиё ўйинларида иштирок этади

Хабарингиз бор, айни кунларда Хитойнинг Ханчжоу шаҳрида XIX ёзги Осиё ўйинлари бўлиб ўтмоқда.

Ушбу мусобақа доирасида 6-7 октябрь кунлари брейк-дэнс (рақс спорт тури) беллашувлари ҳам ўтказилади. Аҳамиятлиси, брейк-дэнс терма жамоамиз сафида ўзбекистонлик таниқли блогер Асал "Литтос" Сапарбаева ҳам иштирок этиши кўзда тутилган.

Маълумот ўрнида, Асал "Литтос" Сапарбаева Ўзбекистон гимнастика терма жамоасининг собиқ аъзоси ҳисобланади. У 2010 йилги Осиё ўйинларида жамоавий йўналишда бронза медалини қўлга киритган.

Аввалроқ, яна бир таниқли блогер ва стример "Якудза"нинг киберспорт терма жамоамиздан ўрин олгани ҳақида хабар берган эдик.