"Ўзбеклар ҳозир эркаклар боксида умуман бошқа даража". Америкада Олимпиададаги олтинларимиз ҳақида фикр билдиришди

"Асадхўжа Мўйдинхўжаев Марко Вердени 5:0 ҳисобида мағлуб этди. Мўйдинхўжаев Ўзбекистоннинг боксдаги иккинчи олтинини олди ва яна ҳали имкониятлар бор. Мўйдинхўжаев Вердедан шунчаки кучли эди. Верде эса 1968 йилдан сўнг Мексика учун боксдаги илк олтин медални тақдим этиши мумкин эди. Ўзбеклар ҳозир ҳақиқатдан ҳам эркаклар боксида умуман бошқа даражада", - дейилади нашр хабарида. 

Мўйдинхўжаевнинг ғалабасидан сўнг -92 кг вазнли боксчимиз Лазизбек Мулложонов ҳам олтин медаль қўлга кирита олди. 

"Ўзбекистон учун учинчи олтин медаль. Жамоа Парижда шунчаки кучли. Улар аллақачон ўзларини боксдаги "держава" сифатида эълон қилишган, лекин айни пайтда ҳақиқатдан ҳам улар рақиблардан анча илгарилаб кетганлар. Келиб чиқиши кубалик бўлган Альфонсо кучли ижрочи, Муллажонов эса бу жангда барчасини назорат қилди. Ўзбекистонга тан бериш керак", - дейилади сайт материалида. 

Бугун шунингдек Абдумалик Халоков ва Баҳодир Жалолов финалда олтин медаль учун жанг қилади.