15 июл 14:31
Янгиликлар
ЎзДЖТСУ битирувчилари август ойи якунига қадар тўлиқ иш билан таъминланади
Йиғилишда асосий масала Ўзбекистон давлат жисмоний тарбия ва спорт университети битирувчиларини иш тақсимотига қаратилди.
2019-2020 ўқув йилида Ўзбекистон давлат жисмоний тарбия ва спорт университетини жами 663 нафар талабалар турли йўналишлар бўйича тамомлаган бўлиб, мазкур битирувчиларнинг 619 нафари бакалавр ҳамда 44 нафари магистратура босқичи талабаларига тўғри келади.
Ҳозирги вақтда, мазкур олийгоҳни тамомлаб вазирлик ва идоралар, корхона ва ташкилотлар ҳамда спорт мактаблари билан уч томонлама шартнома имзолаган битирувчилар сони 563 нафарни ташкил этмоқда. Шундан, 302 нафари болалар-ўсмирлар спорт мактаби, 16 нафари ихтисослаштирилган болалар-ўсмирлар спорт мактаби, 43 нафари ихтисослаштирилган олимпия захиралари мактаб-интернати ҳамда 202 нафари бошқа вазирлик ва идоралар тизим ташкилотларига тўғри келмоқда.
Йиғилиш давомида ишга жойлашмаган битирувчилар рўйхати шакллантирилиб, ҳудудий бошқармаларга тақдим этилди ҳамда университетни тамомлаб ишсиз юрганларни тўлиқ иш билан таъминлаш вазифалари юклатилди.
Йиғилиш якунида Ўзбекистон давлат жисмоний тарбия ва спорт университети битирувчиларини иш билан таъминланганлик даражасини жорий йилнинг 15 августига қадар 100 фоизга бажаришга келишиб олинди.
Фикрлар