ЎзДЖТСУ доценти IKAнинг халқаро лицензиясини қўлга киритди

Мазкур тизимга асосан  эндиликда Кураш мураббийлари Халқаро Кураш институти томонидан ташкил этиладиган ўқув семиналарида иштирок этиши ва Халқаро Кураш ассоциациясининг бир неча босқичли имтиҳонларидан юқори натижаларга эришса IKAнинг B лицензиясини қўлга киритади.

IKAнинг B лицензияси соҳиблари Халқаро Кураш асоциацияси таркибидаги барча миллий федерацияларда бош мураббий сифатида фаолият юритиш имтиёзига эга ҳисобланади.

Ўзбекистон Давлат жисмоний тарбия ва спорт Университети Кураш факультети доценти, педогогика фанлри бўйича фалсафа доктори Шуҳрат Келдиёров Халқаро Кураш ассоциацияси Президенти Ҳайдар Фармон томонидан IKAнинг B лицензияси билан тақдирланди.

Тақдирлаш маросими Ўзбекистон Журналистика ва оммавий коммуникациялар Университетида ташкил этилган Маразий ва Ғарбий осиё мамлакатлари Кураш мураббийлари онлайн семинари якунида бўлиб ўтди.

Шуҳрат Келдиёровга халқаро лицензия гувоҳномасини  IKA Президенти номидан  Халқаро Кураш ассоциацияси Бош котиби Умид Якубов, Ассоциация техник директориМуҳаммад Реза Нассерий ва Халқаро Кураш институти Рекори Ҳабибулла Тожиевлар тантанали тарзда топширди.