06 дек 17:01
Янгиликлар

Кураш

ЎзДЖТСУ кураш залида “Ҳоким кубоги” мусобақаси ўтказилди

Чирчиқ шаҳридаги Ўзбекистон давлат жисмоний тарбия ва спорт университетининг янгидан барпо этилган кураш залида 8 декабрь – Кониституция куни муносабати билан белбоғли кураш бўйича 2001 йилдан 2004 йилгача туғилган ўсмирлар ўртасида Чирчиқ шаҳар ҳокими кубоги мусобақаси бўлиб ўтди.

Чирчиқ шаҳар ҳокимлиги, Ўзбекистон давлат жисмоний тарбия ва спорт университети, Ўзбекистон белбоғли кураш федерацияси, Чирчиқ шаҳар жисмоний тарбия ва спорт бўлими, Чирчиқ шаҳар болалар-ўсмирлар спорт мактаби, “Адолат” партияси Чирчиқ шаҳар кенгаши ва бошқа ҳамкор ташкилотлар кўмагида ташкил этилган мазкур мусобақада Тошкент вилоятининг туман ва шаҳарларидан 120 нафардан ортиқ полвонлари еттита вазн тоифасида ғолиблик учун кураш олиб боришди.

Муросасиз ўтган беллашувларнинг якуний натижаларига ҳар бир вазн тоифасига кўра ғолиб ва совриндор бўлган спортчилар ташкилотчилар томонидан медаль, диплом ва эсдалик совғалари билан мукофотланишди.