ЎзДЖТСУ манежида кураш бўйича мусобақа ўтказилди + ФОТО

Тошкент вилояти жисмоний тарбия ва спорт бошқармаси ҳамда вилоят кураш федерацияси дастур-режасидаги мазкур чемпионатда вилоятнинг барча туман ва шаҳарларидан 150 нафардан ортиқ полвонлар ғолиблик учун кураш тушишди.

Қизғин ва муросасиз баҳсларга бой тарзда ўтган беллашувларнинг якуний натижаларига кўра, қуйидаги полвонлар ўз вазн тоифаларида биринчи ўринни эгаллаб, олтин медалларга сазовор бўлишди.

Эркаклар

60 кг.  Дўстмурод Ғофуров

66 кг.  Элшод Боқиев

77 кг.  Ўрол Содиқов

81 кг.  Хумоюн Замонов

90 кг.  Оғабек Тиркашов

100 кг.  Дилшод Чориев

+100 кг.  Темурлан Ибраев

Аёллар

48 кг. Матлуба Мамаражабова

52 кг.  Умида Хўжаева

57 кг.  Дилфуза Иброимова 

63 кг.  Санобар Султонова

70 кг.  Нигора Раҳимова

87 кг.  Сурайё Худойқулова

+87 кг. Ситора Ҳусанова

Мусобақа якунига етгач, ғолиб ва совриндорларни тақдирлаш маросими ташкил этилди. Кучли учликдан жой олган спортчилар диплом, медаль ва эсдалик совғалари билан мукофотланишди.

Тошкент вилояти кураш  федерацияси ижрочи директори Ёқуб Сайдуллаевнинг таъкидлашича ушбу мусобақада муваффақият қозонган спортчилар 24-27 февраль кунлари Фарғонада ўтадиган катталар ўртасидаги Ўзбекистон чемпионатида вилоят шарафини ҳимоя қилишади.

Илҳом РАҲМОНОВ тайёрлади