ЎзДЖТСУ талаба-ёшлари учун беқиёс туҳфа!

Бугун Ўзбекистон давлат жисмоний тарбия ва спорт университетида Ўзбекистон Республикаси Вазирлар маҳкамасининг 2021 йил 9 сентябрдаги “Республика олий таълим муассасаларида талабаларни турар жой билан қамраб олиш даражасини ошириш чора-тадбирлари тўғрисида”ги қарори ижросини бажариш ҳамда талаба-ёшларни ҳар томонлама қўллаб-қувватлаш, уларнинг қулай шароитларда таълим олишини таъминлаш мақсадида инвестеция дастури асосида қурилиши якунланган 9 қаватли 1100 ўринга мўлжалланган 3-сонли Талабалар турар жойининг очилиш маросими бўлиб ўтди.

Унда Спортни  ривожлантириш вазири А.Икрамов, Чирчиқ шаҳар ҳокими Д.Ҳидоятов, олийгоҳ ректори М.Болтобаев, бир гуруҳ фахрий меҳмонлар, университет раҳбарият жамоаси, бино қурувчилари, профессор-ўқитувчилар ва талабалар ҳамда уларнинг ота-оналари иштирок этишди.

Очилиш маросими дастлаб, Спортни ривожлантириш вазири А.Икромовнинг кириш сўзи билан бошланди. Шунингдек, Чирчиқ шаҳар ҳокими Д.Ҳидоятов ва университет ректори М.Болтабаевлар ҳам мазкур ТТЖнинг қурилиб, фойдаланишга топширилаётганлигдан нақадар мамнун эканликларини билдириб ўтишди. Шундан сўнг, раҳбарлар томонидан рамзий лента қирқилди ва барчалари турар жойда яратилган шарт-шароитларни кўздан кечиришди. Шуни алоҳида таъкидлаш керакки, бино ичидаги хоналарнинг жиҳозланиши, талабаларга янада қулайлик яратиш учун мўлжалланган замонавий ускуналарнинг мавжудлиги тадбир иштирокчиларининг эътирофига сазовор бўлди.

Якунда эса университет раҳбарияти томонидан мана шундай кўркам турар жойнинг қад ростлашига ўзларининг улкан ҳиссасини қўшган қурувчиларга тўн кийгизилди.

Университет ахборот хизмати