ЎзДЖТСУ талабалари “Адиблар хиёбони” ва "Ғалаба боғи" да бўлишди

Хусусан, вазирликнинг жорий йил январь ойига мўлжалланган маънавий-маърифий тарғибот тадбирлари режасига асосан Ўзбекистон давлат жисмоний тарбия ва спорт университети талабаларининг Тошкент шаҳридаги “Адиблар хиёбони” ва “Ғалаба боғи”га ташрифи уюштирилиб, таништирув тадбирлари ташкил этилмоқда. 

Ҳозиргача мазкур тадбирларда университетнинг Футбол ва қишки спорт турлари, Яккакураш спорт турлари, Кўпкураш спорт турлари, Спорт ўйинлари ва Спортни бошқариш ва касбий фанлар факультетларининг талабалари ва профессор-ўқитувчилари иштирок этишди.

Ўзбек тили ва адабиётининг ривожига улкан ҳисса қўшган халқимизнинг буюк шоир ва ёзувчилари ҳайкаллари ўрнатилган азиз маскан - Адиблар хиёбонида ўтказилган маънавий тарғибот тадбирлари талабаларда ўзгача таассурот қолдирмоқда.  

Университет талабалари иштирокидаги “Адиблар хиёбони” ва “Ғалаба боғи”да ташкил этилаётган маънавий-маърифий тарғибот тадбирлари февраль ойига қадар давом этади.

Илҳом РАҲМОНОВ тайёрлади