ЎзДЖТСУ талабалари оғир атлетика бўйича Туркия, Словакия ва Қирғизистон спортчиларига мастер-класс кўрсатишди

Ўзбекистондан Осиё, жаҳон ва Олимпия ўйинлари чемпионлари етишиб чиқмоқда. Хорижий мамлакат оғир атлетикачилари бизнинг полвонлар билан ҳамкорликда машғулот олиб бориш, ўзаро тажриба алмашиш учун юртимизга келишмоқда. Aйни кунларда Туркия, Словакия ва Қирғизистон терма жамоаси аъзолари юртимизда ўқув-машғулот йиғинларини ўтказишмоқда. 

Ушбу йиғин доирасида, бугун Ўзбекистон давлат жисмоний тарбия ва спорт университетида Туркия, Словакия ва Қирғизистон терма жамоаси аъзолари ҳамда университет спорт клуби аъзолари, оғир атлетика терма жамоаси аъзоси ҳисобланган талабалар иштирокида илмий ўқув семинар ва мастр-класс ташкил етилди.

Ташкил етилган тадбирда Ўзбекистон оғир атлетика федерацияси вакиллари, университетнинг профессор - ўқитувчилари ва талабалар, Туркия, Словакия ва Қирғизистон терма жамоаси аъзолари ҳамда мураббийлари иштирок етишди. 

Тадбир давомида университетнинг оғир атлетика залида Ўзбекистон, Туркия, Словакия ва Қирғизистон спортчилари ўртасида мастер-класс кўринишидаги ўртоқлик баҳслари ташкил қилинди. Унда атлетлар ўз маҳоратларини намойиш этиб, тажриба алмашиш имкониятига эга бўлдилар.

ЎзДЖТСУ матбуот хизмати