ЎзДЖТСУда 1 йиллик сарҳисоб ва 2021 йилги режалар муҳокамаси

Тадбирда университет ректори, профессор Маҳмуджон Болтабаев, университет проректорлари, деканлар, кафедра мудирлари ва профессор-ўқитувчилар иштирок этди.

Тадбирда университет ректори, профессор Маҳмуджон Болтабаев нутқ сўзлаб, университетнинг бир йиллик фаолиятини сарҳисоб қилиб,
 2021 йилги режалар ҳақида яна бир бор тўхталиб ўтди.

Шунингдек, ректор кириш сўзида университет жамоасига университетнинг таълим сифатини юксак босқичга кўтариш, бунинг учун “Ҳар қандай талабага талаб битта - унинг билими” шиори асосида елкама-елка бўлиб, Ватан равнақи, ёшлар келажаги учун бор билимим ва тажрибани сафарбар этиш зарурлигини таъкидлаб ўтди.  

Университетда анъанага айланиб бораётган “Эътироф” мукофотининг ўзига хослиги шундаки, у йил давомида университетда ва спорт соҳасида турли йўналишларида фаол ва сермаҳсул ижод қилган фидойи, заҳматкаш профессор-ўқитувчи ва ходимларни тақдирлайди ҳамда уларга эътироф кўрсатилади. 

Ушбу тадбирда ҳам спорт соҳасида кўплаб малакали спортчи кадрларни етиштиришда узоқ йиллик меҳнатлари ҳамда университет ривожига қўшган улкан ҳиссалари учун фахрий устозлар, проффессор-ўқитувчилар тақдирландилар. 

Шу билан бирга 2020 йилда университетда мустақил изланувчи сифатида PhD илмий даражасини олиш учун илмий изланишлар олиб борган ва ҳимоя қилган аёл ўқитувчиларга пул мукофотлари топширилди. 

Университетнинг “Йил ўқитувчиси” номинацияси бўйича: 

- Зотова Елена Алексеевна - Спорт психологияси ва педагогикаси кафедраси ўқитувчиси;

-  Давлетярова Лайло Баходировна - Енгил атлетика назарияси ва услубияти кафедраси ўқитувчиси; 

- Ахматжонов Дониёр Карим ўғли - Миллий кураш турлари назарияси ва услубияти кафедраси ўқитувчиси;   

- Болтаева Иқбол Тожибоевна - Ўзбек тили ва адабиёти кафедраси доценти; 

- Бердиева Дилновоз Тошкановна - Спорт тиббиёти ва биохимия кафедраси ўқитувчиси эътироф этилди. 

“Йилнинг энг фаол илмий тадқиқотчиси” номинацияси бўйича педагогика фанлари доктори, профессор Керимов Фикрат Азизович;

 “Йилнинг энг фаол гуруҳ мураббийи” номинацияси бўйича Қишки спорт турлари кафедраси ўқитувчиси Жўраев Иброхим Боходир ўғли;

“Йилнинг энг фаол спортчи тренери” номинацияси бўйича Енгил атлетика назарияси ва услубияти кафедраси ўқитувчиси Акмонов Ботир Омонбоевич;

“Йилнинг энг фаол маънавият тарғиботчиси” номинацияси бўйича Спорт ўйинлари факультети декани Дўсанов Норйигит Эрназарович;

“Йилнинг энг фаол спорт тарғиботчиси” номинацияси бўйича Қишки спорт турлари кафедраси ўқитувчиси Хожиев Шохрух Саиджаппар ўғли;

“Йилнинг энг яхши адабиёти муаллифи” номинацияси бўйича Адаптив жисмоний тарбия ва спорт ўқув қўлланмаси учун Миржамалов Меҳриддин Хайриддинович;

“Йилнинг энг жонкуяр хўжалик ходими” номинацияси бўйича университет спорт база мудири Абдуллаев Мадамин Турабоевич;

“Йилнинг энг намунали ишчиси” номинацияси бўйича университет омборхона ишчиси Шомирзаев Алишер Уткурович тақдирландилар.

Шунингдек, “Йилнинг энг фаол кафедраси” номинацияси бўйича Қишки спорт турлари кафедраси эътироф этилди.

ЎзДЖТСУ матбуот хизмати