ЎзДЖТСУда дуал таълим тизими доирасида тадбир ташкил этилди

Жумладан, университетнинг Миллий кураш турлари назарияси ва услубияти кафедраси талабалари учун, хусусан, белбоғли кураш йўналишда таҳсил олаётган талаба-ёшларнинг амалий машғулот жараёнларига Ўзбекистон белбоғли кураш федерацияси раиси, халқаро тоифадаги ҳакам Равшан Дастиров таклиф этилди. 

Кафедра профессор-ўқитувчилари ва талабалар иштирок этган ушбу амалий машғулотларда Равшан Дастиров миллий спорт туримиз бўлган белбоғли курашнинг ривожланиш тарихи ва бугунги кунда федерация томонидан амалга оширилаётган ишлар хусусида батафсил маълумот бериб ўтди.

 Шунингдек, Р. Дастиров томонидан белбоғли кураш мусобақаларида ишлатиладиган ҳакамлик қоидаларини, белбоғли кураш усулларини амалий мисоллар ёрдамида кўрсатиб ўтди.

Таъкидлаш жоиз, мазкур миллий кураш турлари назарияси ва услубияти кафедраси ҳамда Ўзбекистон белбоғли кураш федерацияси ўртасида ҳамкорлик меморандуми имзоланган бўлиб, бу борада ҳам қатор лойиҳалар амалга ошириб келинмоқда. 

Илҳом РАҲМОНОВ тайёрлади